Si charras aragonés y te fería goyo de tener una Enciclopedia libre en a tuya luenga, alavez tú puetz aduyar a fer-la.
Ta trobar más información, ves ta la pachina d'Aduya u deixa un mensache en a Tabierna.

Tamién puetz veyer a portalada y colaborar con Biquipedia escribindo en a tuya variedat dialectal:

Os Estatos Unitos d'America (en anglés: United States of America, abrebiato USA) ye un país formato por una federazión de 50 estatos situatos en a parte norte d'America, independient dende o 4 de chulio de 1776 en a Guerra d'a Independenzia d'os Estatos Unidos cuentra o Reino Unito, cuan as primitibas 13 colonias d'a costa este fazioron a suya declarazión d'independenzia.

A suya capital ye a ziudat de Washington, DC, establita en a onor de George Washington entre os estatos de Maryland e Birchinia, en un destrito federal dito Destrito de Columbia. A suya forma de gubierno ye a Republica federal, en un sistema de democrazia representatiba de tipo presidenzialista, estando l'autual President d'os Estatos Unitos Barack Obama. A Constituzión d'os Estatos Unitos fue adotata o 17 de setiembre de 1787, estando ratificata en 1788, fendo asinas d'as premitibas 13 colonias un unico país independient.

A suya poblazión ye de 295.267.686 abitants (2005) en una superfizie de 9.372.610 km², con una densidat de poblazión de 31 ab/km². Estatos Unitos ye asinas o terzer país d'o mundo por a suya superfizie e tamién por a suya poblazión.

Estatos Unitos muga á lo norte con Canadá, á lo sud con Mexico, á l'este con l'Ozián Atlantico e á l'ueste con l'Ozián Pazifico, encara que o estato d'Alaska ye á o norte de Canadá, o estato de Hawaii ye en l'Ozián Pazifico e os Estatos Unitos son tetulars de belatros territorios en a mar Caribe u l'Ozián Pazifico. O estato d'Alaska muga á lo sur con Canadá e á l'ueste, en trescruzando lo estreito de Bering ye Rusia. Asinas, nomás 49 d'os 50 estatos se troban en America, fendo parte o estato de Hawaii d'Ozeanía.

Leyer más...

• fendo referenzia enta la bariedat d'emplegos d'a ixada, en l'aragonés se diz popularment que belún "ye más sofrito que una ixada" cuan se dexa fer de totas as colors per os atros?
• o islandés escrito ha cambiato relatibament poco dende o sieglo XIII e por ixo os charradors d'islandés moderno pueden encara leyer, alto u baxo, as sagas islandesas e os eddas en a suya bersión orichinal, tal cual estioron escritas fa ya uns güeitozientos años?
• Cáller formó parte d'a Corona d'Aragón e las barras d'o siñal d'Aragón formoron lo escuto d'a ziudat dica 1766?