Pàggina principali

 

 

 

 

Liunardu Vigo

Liunardu Vigo Calanna (Lionardo Vigo 'n talianu) marchisi di Jaddudoru (Jaciriali, 25 di sittèmmiru 1799 – 14 di aprili 1879) fu un pueta, filòlugu e pulìticu sicilianu.

Liunardu Vigo fu n'espunenti dâ cultura siciliana dô XIX sèculu. Ntê sò òpiri ammustrau cu prufunna canuscenza lu sintimentu àutu ca iddu avìa pi la Sicilia. Fu unu di li cchiù granni studiusi dê tradizzioni e dê custumi pupulari siciliani. Avìa quattr'anni quannu ci murìu â matri e, di picciriddu, criscìu senza l'amuri d'idda; quannu fu cchiù spintuliddu, dê novi ê sìdici anni, stetti nta tri culleggi, a Jaci, a Catania e a Missina. Già ntâ picciuttanza accuminciau a fari cumpusizzioni di puemi (li primi di chisti vìnniru abbruciati), a participari a riunioni accadèmichi, a ntirissàrisi di lingua e dialettu, di Storia dâ Sicilia e di archioluggìa. Attruvau ntâ sò cità di Aciriali ddu paisi mèdiu ca, macari cu tutti li difetti d'iddu stissu ricanusciuti, facìa parti dâ norma, accussì cum'èranu cintinara di àutri paisi siciliani. La sò lìrica dâ picciuttanza è ngintilita di la prisenza di na fìmmina, ca iddu chiama l'Ùnica, senza ammustràrini lu nomu. Dopu ca si lauriau n giurisprudenza, si maritau cu Carlotta Sweeny, di patri ngrisi, ca murìu dopu suli dui anni dô spusalìzziu e ci lassau na picciridda.

 

 

Di chi cumuni sî?!? Cerca lu tò cumuni (Sicilia, Calabbria, Salentu) ntâ Wikipedia Siciliana e migghiora lu cuntinutu di l'artìculu supra lu tò paisi o cità, mittennu tutti li nfurmazzioni chi canusci. Nun ti prioccupari si nun t'a fidi a scrìviri bonu 'n sicilianu: quarchi wikipidista si dìdica a fari li currizzioni grammaticali nicissarî, secunnu li normi cuntinuti nnâ Grammàtica e nnû Cumpenniu Stilìsticu.

 

 

Primu di jinnaru, jovidìa

• Roma: Lu Prisidenti dâ Ripùbbrica taliana, Giorgiu Napulitanu, parra ô pòpulu talianu cû sò missaggiu nurmali di fini annu, dâ sò risidenza dû Quirinali.

---

23 di dicèmmiru, martidìa

• Italia: Cci fu un tirrimotu a li 16:25 ntô centru-nord di l'Italia: Lummardìa, Emilia-Rumagna, Vènitu, Piemunti, Friuli-Vinezzia Giulia, Tuscana e Liguria. Appi nu magnitùdini di 5,2 gradi dâ scala Richter.

---

16 di dicèmmiru, martidìa

• Palermu: Stamatina li carrabinera stannu purtannu a termini na maxi upirazzioni contra la mafia ntâ pruvincia di Palermu chi purtau a firmari 99 pirsuni. Secunnu l'inquirenti diversi famigghi mafiusi vulèvanu ricustituiri la cùpula mafiusa.

---

12 di dicèmmiru, venniridìa

• Etna: Pô malu tempu, ottu boy scouts arristaru bluccati supra a l'Èttina. La nivi àuta, lu jelu e la negghia cci cunsighiaru d'ariparàrisi nta nu rifuggiu, saputu sèntiri Timpa Russa, a 2.093 metri ntô ciancu nord dû vurcanu. A sta matina, na vota ca ci avìanu finuti li cosi di manciari, addumannaru aiutu e di Niculosi parteru li succurrituri ca attruvaru tutti li carusi sani e sarvi.

---

7 di dicèmmiru, dumincadìa

• Stromboli: Aieri a sira lu vulcanu trunau, facennu trimari li vitra dî paisi. Lu celu si tincìu di russu e tanticchia di petri caderu dâ sciara dû focu. Lu centru lucali di vulcanuluggìa dissi chi fu n'attivitati chi rientra ntâ nurmalitati.

---

2 di dicèmmiru, martidìa

• Catania: Nu futògrafu tudiscu ca s'avìa pirdutu supr'a l'Etna sabbatudìa passatu, vinni attruvatu mortu dê succurrituri ntâ zona Hornitos dû vurcanu, a 2.780 metri. Si chiamava Thomas Reichart e avìa 32 anni.

---

 

 

5 di jinnaru, lunidìa

• Gaza: L'esercitu israilianu trasìu ntô tirritoriu palistinisi. Li bummiati cuntinuanu, e puru na para di scoli gistiti di l'ONU foru bummiati. Lu nùmmuru di morti acchianau a chiossai di 500.

---

primu di jinnaru, jovidìa

• Bratislava: La Slovacchia trasi ntâ zona euru.

---

30 di dicèmmiru, jovidìa

• Gaza: Doppu la ruttura dâ tregua dû Hamas, li cummattimenti tra palistinisi e israiliani ripigghiaru di ntinsità. Li bummi israiliani ficiru chiossai di 300 morti ntâ striscia di Gaza. Si cunta puru quarchi mortu israilianu pî razzi palistinisi.

---

18 di dicèmmiru, jovidìa

• Grecia: Ntô pumiriggiu d'aoggi, ntô centru di Ateni, unni s'avìanu arricugghiutu quarchi 3.000 studenti e prufissuri, ci foru àutri scontri ntra la polizzìa e li manifistanti. Di la parti dê manifistanti si ittaru bummi molotov e petri contr'â polizzia e chista arrispunnìu chê lacrimòggini.

---

16 di dicèmmiru, martidìa

• Iraq: Nu sciìccu àrabbu saudita, Hassan Mohammed Makafah, riccu pussidenti, pri macari una sula di li scarpi ittati cuntr'a lu prisidenti miricanu Bush duminicadìa passata, è dispunìbbili a pajari nzinu a deci miliuna di dòllari.

---

15 di dicèmmiru, lunidìa

• Pariggi: Robbertu Alagna, unu cantanti lìrichi cchiù apprizzati a liveddu ntirnazziunali, pubbricau nu CD, Sicilien, di canzuni 'n sicilianu chi agghicau ô secunnu postu dâ classifica dî disca cchiù vinnuti n Francia.

---

14 di dicèmmiru, duminicadìa

• Iraq: Ô prisidenti miricanu George W. Bush, ca avìa iutu a Bagdad pri dàricci un salutu ê surdati miricani, ntô mentri di na cunfirenza stampa fatta nzemi ô premier di l'Iraq, Nuri al Maliki, nu jrnalista irachenu ci lassau cùrriri li sò scarpi, ma senza arinèsciri a nzittàrilu picchì chiddu fu lestu a scanziàrili. Lu jurnalista, pri sùbbitu abbluccatu dî forzi di l'òrdini, era assittatu ntâ terza fila e mentri li dui òmini pulìtichi si stringèvanu li manu d'avanti a la telivisioni, si susìu e cci abbanniau: «chistu è lu tò vasuni d'addiu, cani» e ntô mentri, una appressu a l'àutra, cci tirau li scarpi ô prisidenti miricanu.

---

9 di dicèmmiru, martidìa

• Grecia: Ancora aoggi, a tri jorna di l'ammazzatina di un carusu di 15 anni fatta dâ polizzìa, li rivorti ntâ Grecia non s'hann'a stimpiratu. Nti sta jurnata, unni ci sunnu li funirali dû carusu, lu scantu è chiddu ca ci ponnu èssiri àutri viulenzi.

---

8 di dicèmmiru, lunidìa

• Irlanda: quantità significativi di diossina foru truvati ntâ carni di maiali irlannisa, pruvucannu lu ritiru di prudutti a basi di carni di maiali irlannisa nti tutta l'Europa.

---

 

 

Wikipedia n Corsu · Friulanu · Latinu · Lummardu · Maltisi . Napulitanu · Sardu · Vènitu · Piemuntisi · Rumanciu . Lìguri · Tarantinu · Emilianu · Sicilianu